Arratiset nga burgu, autoritetet italiane, në alarm për shqiptarin

Arratiset nga burgu, autoritetet italiane, në alarm për shqiptarin
Një shqiptar u arratis sot nga burgu i Trapanit, në Siçili, ku vuante dënimin për trafik droge.

I dënuari Lekë Luca, 34 vjeç, sipas mediave italiane është arratisur duke kapërcyer murin rrethues të burgut ‘San Giuliano’.

Mediat italiane raportojnë se arratisja ka ndodhur rreth orës 15:00, kur përfundon edhe orari i ajrimit.

Gardianët kanë shkuar për të udhëhequr të burgosurit në qeli, por kanë konstatuar se Luca mungonte.

Menjëherë është dhënë alarmi dhe patrulla të shumta karabinierësh dhe policie janë vënë në lëvizje për të gjetur 34-vjeçarin, që dyshohet se është pritur nga dikush me makinë jashtë mureve të burgut.

Kjo është hera e dytë që Luca arratiset nga burgu. /l.k./

Marrë nga newsicilia.it

 

loading...
loading...