Protesta e opozitës/ Ambasada amerikane del me një deklaratë "të fortë", mesazhi për Bashën dhe Kryemadhin

Protesta e opozitës/ Ambasada amerikane del me një deklaratë "të fortë", mesazhi për Bashën dhe Kryemadhin
Ambasada amerikane ka lëshuar një deklaratë një orë larg protestës së opozitës ku dënon dhunën në protestë por dhe dëmtim të vendbanimit së Ambasadorit të OSBE-së.

Ambasada i drejtohet kryedemokratit Lulzim Bashës dhe Kreytaris së LSI, Monika Kryemadhit duke dënuar publikisht aktet e dhunës nga mbështetësit e tyre.

Deklarata:

Ne dënojmë dhunën e pranishme gjatë protestave të 11 majit në Tiranë dhe përgjegjësit e saj. Dhuna çoi në plagosje dhe dëmtime të pronës, përfshirë edhe dëmtim të vendbanimit së Ambasadorit të OSBE-së. 

Këto veprime të dhunshme ishin të paligjshme dhe jodemokratike. Ne iu bëjmë thirrje udhëheqësve të opozitës, veçanërisht Kryetarit të Partisë Demokratike, Lulzim Basha dhe Kryetares së Lëvizjes Socialiste për Integrim, Monika Kryemadhi, që të dënojnë publikisht veprimet e dhunshme të mbështetësve të tyre, të bashkëpunojnë me çdo hetim që synon të identifikojë çdo person që i kreu ato dhe vënien e tyre përpara përgjegjësisë, si dhe të sigurojnë që të gjitha protestat e ardhshme publike të jenë të qeta dhe paqësore.

Edhe autoritetet ligjzbatuese kanë përgjegjësi për të vepruar me vetëpërmbajtje, përfshirë edhe rastet kur iu përgjigjen provokimeve. Protestat e dhunshme po dëmtojnë përpjekjet e Shqipërisë për reforma demokratike dhe perspektivën e vendit për të bërë përpara në rrugën drejt Bashkimit Europian. Shtetet e Bashkuara nxisin të gjitha palët që të zmbrapsen nga përplasjet dhe të përfshihen në një dialog konstruktiv, që synon t’i japë fund ngërçit politik.

/f.ç/Albanian Free Press Online/

loading...
loading...