E pathëna e Berishës dhe biseda me Xhorxh Bushin: Më erdhën në zyrë me harta për të copëtuar Kosovën

E pathëna e Berishës dhe biseda me Xhorxh Bushin: Më erdhën në zyrë me harta për të copëtuar Kosovën
Ish-kryeministri Sali Berisha deklaroi mbrëmjen e sotme se në vitin 1992 në zyrë i kanë shkuar zyrtarë negociatorë  me harta në duar për çështjen e Kosovës.

Berisha është rrëfyer në studion e oranews se Millosheviç mendoi se çështja e Kosovës nuk zgjidhej me Rugovën por me Berishën në Shqipëri.

Pjesë nga biseda e studios:

Berisha: Në vitin 1999 një ideolog i nacionalizmit serb vazhdoi të boshtëzojë dhe kosovizojë edhe më tej doktrinën e nacionalizmit serb me Kosovën. Kështu që para lufte pasi u hap Shqipëria në '92, serbët me shpejtësi përpiluan projektin për ndarjen e Kosovës. Një njeri ishte i gjithëfuqishëm në Serbi dhe ky ishte Millosheviç. Ky kishte pikëpamjen se çështja nuk zgjidhet me Rugovën, por me Berishën në Shqipëri. Ndaj vinin tek unë me harta, të dërguarit me të gjitha anët. Vinin sepse Millosheviç thoshte se kjo zgjidhet me Shqipërinë.

Ata pasi ta coptonin Kosovën siç donin, pasi të merrnin veriun e Ibrit dhe një pjesë të Prishtinës, pasi të merrnin një San Marino, një Sandora, një Litenshtejn. Pasi të krijonin këto atëherë Shqipëria të merrte ato të tjerat.

Nëse shkon tek biseda ime me Xhorxh Bush në '92 i kam thënë: President ata duan ta copëtojnë, ta ndajnë Kosovën, ta pastojnë pjesën që do marrin nga shqiptarët, ti nxjerri në kufi me ne. Unë i kam thënë unë kufijt do ti hap.

/f.ç/Albanian Free Press Online/