“Dosja 339”/Arta Marku: Zvarritja e qëllimshme nga prokurori i ndikuar

“Dosja 339”/Arta Marku: Zvarritja e qëllimshme nga prokurori i ndikuar
Gjatë intervistës së saj për “Open” në Top Channel, kryeprokurorja e përkohshme Arta Marku tha prokurorit i dosjes 339 ishte transferuar rastësisht, ndërsa nuk është lënë krejt rastësisht zvarrë duke moszbardhur një mori CD-shë me përgjime, që janë mbajtur qëllimisht kaq gjatë.

“Në momentin që prokurori që i kishte këto çështje u caktua përkohësisht në një Prokurori tjetër, tërësisht një rastësi, dorëzoi dosjet dhe prokurorët që i morën konstatuan se kishte një numër shumë të madh disqesh të patranskriptuara (pazbardhura)”, deklaroi zonja Marku.

Ajo saktësoi se vetëm për dosjen 339 kishte rreth 700 CD dhe se ndonëse nuk dëshiron të mendojë se do të duhen “vite” për zbardhjen e tyre, deklaroi se sipas mendimit të saj personal nuk është lënë krejt rastësisht, por janë mbajtur qëllimisht kaq gjatë, nga prokurori që e ka pasur.

“I ndikuar po, pastaj politikisht apo në ndonjë mënyrë tjetër nuk preferoj ta them. Por di që është mbajtur për një kohë shumë të gjatë dhe disqet ende të patranskriptuara, që në fakt të vrasin sytë se janë 700 jo pak për t’u harruar”, tha Marku. /l.k./

Foto Google