LIGJI I KADASTRËS/ Mazhoranca “rrëzon” Qeverinë, Komisioni i Ligjeve miraton dekretin e Presidentit

LIGJI I KADASTRËS/ Mazhoranca “rrëzon” Qeverinë, Komisioni i Ligjeve miraton dekretin e Presidentit
Komisioni i Ligjeve ka vendosur sot të miratojë dekretin e Presidentit të Republikës, që ka kthyer mbrapsh ligjin për kadastrën.

Dekreti është miratuar me votat e mazhorancës dhe opozitës.

Në mbrojtje të dekretit, këshilltari ligjor i Presidencës, Bledar Dervishaj, tha se ligji cenon parimin e sigurisë juridike dhe se titujt e pronësisë nuk mund të jenë kompetencë e kadastrës.

Mbledhja është shoqëruar me debate mes deputetëve të mazhorancës dhe opozitës.

Këta të fundit kanë akuzuar qeverinë se me këtë ligj nuk rikthejnë pronën tek i zoti.

Deputetët e mazhorancës kanë kërkuar që dekreti të miratohet dhe ligji të ripropozohet me disa ndryshime.

Ndërsa opozita tha se votimi për rrëzimin e ligjit do të thotë se ligji duhet të kthehet mbrapsh tek propozuesi.

Përfaqësuesit e opozitës janë larguar nga mbledhja, ndërsa deputetët e mazhorancës kanë votuar ndryshimet ligjore për ta kaluar sërish ligjin në seancë plenare. /a.a/ Albanian Free Press Online/

Foto: Google