Kupa e gjen “të plagosur”, Flamurtarit i ikin të huajt

Flamurtari duhet të përmbysë sot Tiranën, në ndeshjen më interesante të çerekfinaleve të kthimit, e vlefshme për Kupën e Shqipërisë, për të mos çuar dëm sezonin. Por pavarësisht blerjes së Xhevahir Sukaj, eksodi i largimeve nga kriza financiare duket se nuk po ndalet. Nga Flamurtari largohet edhe një lojtar tjetër i huaj Muhamed Useini, i cili ka prishur kontratën me klubin vlonjat. Ai pason largimet e lojtarëve të tjerë të huaj gjatë janarit, si të Danilo Alves, Goran Siljanovskit e Tomislav Busic, dhe në këtë situatë bëhet edhe më i vështirë kualifikimi ndaj Tiranës, sidomos pas humbjes 1-0 të ndeshjes së parë. Ndërkaq, pasi të përcaktohet sot tetë më të mirat e kupës, fundjava i gjen sërish ekipet në fushë, për javën e 21-të të Superiores. FSHF zyrtarizoi kalendarin për javën e 21-të, që nis të shtunën me ndeshjen Partizani-Kastrioti.

Kupa e Shqipërisë

Sot ora 13:30

Skënderbeu-Besëlidhja

Partizani-Kastrioti

Luftëtari-Egnatia

Kamza-Vllaznia

Kukësi-Apolonia

Laçi-Bylis

Teuta-Lushnja

Flamurtari-Tirana

Java e 21-të/ 9 shkurt

(17:00) Partizani-Kastrioti

10 shkurt

(14:00) Kukësi-Tirana

(14:00) Luftëtari-Flamurtari

(17:00) Teuta -Kamza

11 shkurt

(14:00) Skënderbeu- Laçi