PD, video me skandalet e qeverisë Rama 2

PD, video me skandalet e qeverisë Rama 2
 

Partia Demokratike ka publikuar sot një video më tepër se dy minuta të gjatë, ku rendit dështimet e mëdha të qeverisjes së Rilindjes, gjatë 5 viteve të fundit.

PD radhit këto skandale, si vjedhja e pasurive publike, lejimi i trafikut të drogës e kanabizimit të vendit, korrupsioni me taksat dhe PPP-të, ministra të kapur nga krimi i organizuar, pastrimi i parave me shembjen e Teatrit Kombëtar dhe vjedhja e tenderave si ai i Unazës së Re, me parajsa fiskale…

 

Në video sillen në vëmendje përgjimet që implikojnë Saimir Tahirin në biseda telefonike me anëtarët e grupit Habilaj, evidentojnë lidhjet me krimin të vëllait të Fatmir Xhafës, si dhe rikujtojnë skandalet e fundit të grabitjes së pronës te Teatri Kombëtar, por edhe tenderi fiktiv te Unaza e Re.

Në fund të videos, Partia Demokratike përsërit thirrjen se ka ardhur koha për largimin e kësaj qeverie, duke përdorur fjalinë “Kjo qeveri duhet të shporret një orë e më parë”.

Shpërndajeni me miqtë tuaj: