Plagosja e dyfishtë në Cerrik, arrestohen autorët

Plagosja e dyfishtë në Cerrik, arrestohen autorët
Arrestohen dy autorët e dyshuar të plagosjes që ndodhi dje në mbrëmje në Cerrik.

Policia sqaron se ka prangosur Stilian (Bruno) Hyseni, 32 vjeç, dhe Ilborjan  Fezullahu, 28 vjeç,  lindur e banues në qytetin e Cërrikut, ky i fundit i dënuar më parë.

Po sipas saj, operacioni  për kapjen e tyre ka vijuar gjithë natën në ndjekje të tyre.

Në operacion u angazhuan 30 forca policie të Cerrikut dhe të Forcës së Posaçme Shqiponjat nga DVP Elbasan.

“Shtetasi Stilian (Bruno) Hyseni në bashkëpunim me Ilborjan  Fezullahu në lagjen nr. 1 Cërrik në dyqanin (berberhane) të shtetasit A. B,  ka plagosur me armë zjarri (pistoletë) shtetasin G.K, si dhe kanë dëmtuar  fizikisht me sende të forta edhe shtetasin  J.R., banues  në Cërrik , për të cilin fillimisht u raportua nga spitali si i plagosur me armë zjarri.

Grupi hetimor në vendin e ngjarjes, ka sekuestruar  në cilësin e provës materiale dy gëzhoja  pistolete.

Në përfundim të veprimeve hetimore të kryera , shtetasi i shoqëruar mbrëmjen e djeshme  drejtuesi i mjetit shtetasi A.Zh është lënë  i lirë pasi nga tërësia e veprimeve nuk është i implikuar në ngjarjen e ndodhur . Shtetasit e arrestuar pas ngjarjes janë larguar në këmbë dhe jo me mjetin që qarkullonin para se të ndodhte ngjarja.

Nga ana e shërbimeve të Policisë po vijon puna për gjetjen e armës së krimit.

Materialet do ti referohen Prokurorisë së Rrethit Gjyqësor  Elbasan  për veprat penale “Vrasje me paramendim në bashkëpunim  e mbetur në tentative” si dhe Prodhimi dhe mbajta pa leje e armëve luftarake dhe municioneve”, të  parashikuar nga nenet 78 ,25 , 22  dhe 278/2,3 të Kodit Penal”, deklaron zyrtarisht policia.

/l.k./