ENRIK SULEJMANI/ Dështon të marrë në dorëzim Ervis Martinajn, shkarkohet Drejtori i Policisë së Burgjeve

Shkarkimi ka ardhur pasi policia e Burgjeve dështoi të marrë Ervis Martinajn nga një spital privat, ku ndodhej i shtruar një natë më parë.

“Mjekët e ‘Spitalit Amerikan 2’ duke parë gjendjen shëndetësore të Martinajt, nuk e firmosën fletëdaljen duke krijuar një situatë të tensionuar brenda ambienteve të spitalit”, raporton BË.

Në konflikt është përfshirë edhe policia private që ruan ambientet e spitalit privat.

Duket se ky dështim ka çuar në shkarkimin nga detyra të kreut të Policisë së Burgjeve.

Ervis Martinaj ndodhet në masën e sigurisë “arrest në burg”, pas vrasjes së disa ditëve më parë në zonën e ish-Bllokut.

Vetë Martinaj mbeti i plagosur nga një plumb në qafë, por jashtë rrezikut për jetën.

Aktualisht ai është dërguar në spitalin e burgut. /a.a/ Albanian Free Press Online/

Foto: Google