3.4 milionë eurot e kapura në Toyota, Krimet e Rënda dërgojnë letër-porosi 3 shteteve për të arrestuarit

3.4 milionë eurot e kapura në Toyota, Krimet e Rënda dërgojnë letër-porosi 3 shteteve për të arrestuarit
Krimet e Rënda i janë drejtuar me një letër porosi 3 shteteve lidhur me të arrestuarit për çështjen e gjetjes së 3.4 milionë eurove në dy mjete Toyota Yaris.

Letrat janë drejtuar autoriteteve përkatëse në Gjermani, Belgjikë dhe Angli, nga ku pritet të merret informacion i detajuar, në lidhje me aktivitetin e katër shtetasve që mbahen të arrestuar për këtë çështje.

Burimet raportojnë se letërporosia në Angli është dërguar për Edi Likën, pasi dyshohet se ka të dhëna se është marrë me trafik kokaine.

Para disa ditësh u gjetën plot 3.4 milionë euro në dy mjete Toyota, që futeshin për herë të parë në Shqipëri.

Dyshohet se këto para burojnë nga trafikimi i lëndëve narkotike dhe po futeshin në të zezë në Shqipëri, ndërsa përveç 4 të arrestuarve, janë shpallur në kërkim edhe dy shtetas të tjerë, që mund të jenë pronarët e vërtetë të parave.

/f.ç/Albanian Free Press Online/

Shpërndajeni me miqtë tuaj: