Horoskopi dhe ushqimi, çfarë lidhje kanë

Horoskopi dhe ushqimi, çfarë lidhje kanë
Lidhja midis shenjave të horoskopit dhe gatimit, dëshirat mbi shijet, preferencat dhe gabimet në ushqim.

Dashi

Mënyra e të ngrënit të shenjës së Dashit, pasqyron plotësisht mënyrën e tij të padurueshme, impulsive dhe disi të shqetësuar, për të jetuar jetën.Para së gjithash, nuk mund të konsiderohet një shijues i mirë. Do të heqë dorë lehtë nga një pjatë e kuzhinës, për të ngrënë diçka të konsiderueshme në sasi, të cilat mund ta shpaguajnë atë në një mënyrë thelbësore dhe të kënaqshme. Duke mos qenë në gjendje për të menaxhuar mirë humorin, nuk i shijojnë shumë rezultatet në restorant, e lëre më të durojnë darkat e dasmës. Në fakt, konsideron pritjet midis një pjate dhe tjetrës, si humbje të padobishme të kohës. Për shkak të ndikimit të Marsit, guvernatori i tij, përtypja e Dashit është mjaft e shpejtë dhe bëhet me pjesën e përparme të gojës. Për këtë arsye, shpesh gëlltisin ushqime që nuk janë të përtypura deri në fund dhe mund të kenë probleme me tretjen.

Demi

Udhëhequr nga planeti Venus, përfaqësuesit e Demit kanë një marrëdhënie të mirë me ushqimin dhe gatimin në përgjithësi. Ata e duan çdo gjë që është e mirë dhe që duket e mirë në pjatë.Ata janë shijues elitarë dhe për këtë arsye, mund të presin për gatim të përsosur të një pjate të komplikuar, të vetëdijshëm se kënaqësia që do të marrin kur pjata të jetë gati, do të jetë shumë më e lartë se frustrimi i pritjes!Për personin që do, Demi pëlqen të gatuajë personalisht. Gjithmonë, Venusi mbart në shenjë përdorimin e garniturës dhe enëve me kujdes të madh; kështu që, ata duan kënaqësi për syrin dhe shijen. Sigurisht, preferojnë cilësinë mbi sasinë. Kjo, megjithatë, do të thotë se, shpesh e teprojnë shumë me karbohidratet, si dhe me ëmbëlsirat e rrezikshme, të cilat i pëlqejnë së tepërmi.Demat shpesh e gjejnë veten në telashe, sepse nëse nuk mund të heqin dorë nga ëmbëlsirat për shkak të Venusit. Ata mbajnë me shumë kujdes linjat dhe nuk duan të marrin yndyrë me tepricë.

Binjakët

Ndikimi i Mërkurit e çon këtë shenjë të ushqehet në një mënyrë shumë origjinale, krahasuar me shenjat e tjera të Zodiakut.Binjaku është një eksperimentues në çdo fushë të ekzistencës. Ushqimi nuk është përjashtim. Ata duan të provojnë çdo lloj kuzhine dhe gjenden shpesh në restorante ekzotike. Nëse jetojnë në një qytet të madh, është e mundshme që të provojnë, pothuajse si detyrë, çdo lloj kuzhine të huaj. Nuk e kanë problem të madh  të shpenzojnë, për një pjatë ekskluzive. Nuk i pëlqejnë ushqimet e bollshme: si për çdo gjë që i shqetëson, ata preferojnë të shijojnë pak nga çdo gjë, pa ekzagjeruar asgjë. Nuk i pëlqejnë yndyrat, sepse duan të vënë nën kontroll linjat. Urrejnë njerëzit që flasin duke u përtypur dhe janë mjaft të vëmendshëm në edukimin e tryezës.

Gaforrja

Dashamirës të familjes dhe të qenët në shoqëri, njerëzit e gaforres janë shpesh kuzhinierë të shkëlqyer dhe gatuajnë vetë. Ata nuk e kanë problem të qëndrojnë prapa sobës: përkundrazi, e kanë nder që të mund ta provojnë veten me gatimin, vetëm për t'i kënaqur të dashurit dhe t'i shohin ata të lumtur në praninë e tyre. Duke qenë njerëz që e duan vërtetësinë dhe thjeshtësinë, nuk i vlerësojnë shumë gatimet ekzotike dhe nuk e kuptojnë traditën pa kuzhinën e vendit nga i cili vijnë. Në përgjithësi, megjithatë, i dashurojnë karbohidratet, sepse janë të vetëdijshëm se ato kanë fuqinë për të dhënë qetësinë dhe paqen që duan rreth vetes. Meqë gaforrja është shenjë e ujit, është mirë të konsumojë peshq në vend të mishit. Kjo do të përmirësojë furnizimin e jodit në trup.

Luani

Shenja e luanit tregon mbretërimin e tij, madje edhe në momentet kur i takojmë për dreka dhe darka. Ne e përdorim fjalën bashkon, sepse ndodh rrallë që njerëzit e shenjës të hanë vetëm. Ata e shohin ritualin e të ushqyerit, si një nga momentet në të cilat mund të afirmojnë ndjenjën e superioritetit, të pandarë në shenjën e tyre. Veçanërisht duan të shërbejnë, ngjashëm me atë që ndodh me luanin mashkull, i cili është i pari që ha, pasi luaneshat kanë kapur prenë. Zakonisht, kur ata janë të ftuar për drekë ose darkë, personi që gatuan, kupton menjëherë se diçka e veçantë duhet të përgatitet për ta. Duke qenë një shenjë e zjarrit, në çdo rast, sasitë e vogla nuk janë të mjaftueshme. Gjithashtu pëlqejnë pjatat substanciale.

Virgjëresha

Duke qenë shenja e fundit e ciklit veror të pranverës, ajo e Virgjëreshës ka zakone shumë të veçanta të ushqimit.Ajo nuk e zgjat me një dietë të hollë. Dhe është më tepër e orientuar drejt pjatave të thjeshta, të cilat nuk përfshijnë një humbje të tepërt të burimeve ose të parave. Për fat të mirë, me ndihmën e Mërkurit, është në gjendje të trajtojë pjata në dukje të thjeshta, me një detaj të caktuar, duke i bërë të duken të kënaqshme, gjithsesi. Është e pamundur që, në prani të një personi të Virgjëreshës, një pjatë makaronash mos të jetë e tepruar ose salca mos të jetë shumë e kripur. Do të jetë në gjendje të japë një këshillë, në mënyrë që, çdo gjë të jetë e përsosur dhe e këndshme. Kuzhina e personit të Virgjëreshës është, jo çuditërisht, organizuar më mirë se ajo e reklamave të dyqaneve të departamenteve: secili mjet është i vendosur në mënyrë rigoroze dhe enët pastrohen dhe riorganizohen menjëherë pas çdo vakti.

Peshorja

Venusi ka një ndikim të madh në mënyrën e të ushqyerit të kësaj shenje, e para e pjesës së vjeshtës së dimrit në Zodiak.Për këtë shenjë, në të vërtetë, mënyra në të cilën përgatiten dhe paraqiten pjatat, është shumë e rëndësishme. Ajo pëlqen tryeza të përgatitura mirë, me takëm në vendin e duhur dhe një sekuencë të përsosur të menysë. Është shenjë e ajrit, kureshtare dhe vagabonde. Për këtë arsye, pëlqen të eksperimentojë me lloje të reja të kuzhinës.Nuk i përbuz gatimet etnike dhe, gjatë udhëtimit, nuk ka asnjë shqetësim për tu ushqyer ekskluzivisht në kuzhinën lokale, duke shmangur me kujdes afrimin me ushqimin e shpejtë ose duke kërkuar restorantin që e bën makaronin si në shtëpi. Ndikimi i Venusit ndihet gjithashtu, në një shije të veçantë për ëmbëlsirat, të cilat duhet të përpiqen të shmangen, nëse doni të mbani linjën që është kaq e rëndësishme për peshoren.

Akrepi

Natyra e pakujdesshme e shenjës së Akrepit do të thotë që, ju nuk jeni të frikësuar nga risitë e kuzhinës ose gatimet që konsiderohen më të rrezikshme për shëndetin, siç janë ushqimet e papërpunuara dhe peshqit e papërpunuar. Duke qenë një shenjë e ujit, ajo ka një parapëlqim për peshk dhe molusqe. Shumë akrepa dashurojnë sushin. Nuk është shenjë që i pëlqen të gllabërojë: preferohen disa kafshata të shijshme, por kjo nuk ka rëndësi për Akrepin. Marsi, sundimtari i shenjës, e bën marrëdhënien e Akrepit me ushqimin pak të mjegullt. Çdo gjë duhet të jetë e mirë, nëse Akrepi ftohet për darkë ose, më keq, nëse shkon në restorant. Një pjatë që paraqet përbërës të ndryshëm nga ato të deklaruara ose të gatuara keq, do ta bëjë Akrepin të tërbohet, shpejt do të sjellë zhgënjimin dhe sarkazmën e tij proverbiale.Vëmendje e veçantë, pra, për ata që ftojnë një Akrep për të ngrënë!

Shigjetari

Si atletë që janë, individët në Shigjetar janë tepër të vëmendshëm ndaj ushqimit dhe rrallë devijojnë nga sundimi që kanë vendosur vetë. Ata nuk i pëlqejnë ushqimet rastësore, në përgjithësi, preferojnë shumëllojshmëri se sa sasi. Janë të vetëdijshëm se, për të mbajtur trupin në masën e duhur dhe të zgjuar, duhet të hanë gjithçka. Sidoqoftë, ata e dinë se kur duhet të ndalen dhe, nëse mendojnë se janë ushqyer mjaftueshëm, do të jenë në gjendje të thonë jo për ëmbëlsirën, sado e këndshme mund të duket. Personi që fton një Shigjetar për darkë, pra, nuk duhet të marrë tepër, nëse ai ose ajo refuzon pjatën e fundit në listë, mos u habisni: të hajë shumë do të ishte e pafalshme për këtë shenjë. Shijet e Shigjetarit janë mjaft klasike, sepse ata e dinë se kuzhina mesdhetare është ajo që do ta mbajë në një formë më të mirë. Sidoqoftë, duke qenë person që e do udhëtimin, nuk përbuz shijet ekzotike dhe, rrjedhimisht, disa pjata etnike.

Bricjapi

Saturni, planeti që përfaqëson privimin dhe kufizimin, si dhe guvernatori i Bricjapit, rregullon marrëdhënien e kësaj shenje me ushqimin. Personi Bricjap jeton një marrëdhënie që shpesh është kundër të ushqyerit.Ai është në gjendje të agjërojë për ditë të tëra, por pastaj të hajë me kënaqësi për periudhat e mëvonshme. Është e rëndësishme të dini se, kur është i denjë për të ngrënë, Bricjapi kërkon më të mirën, duke qenë një shenjë që është plotësisht e vetëdijshme për vlerën e saj dhe ka nevojë të ngrihet mbi të tjerët. Nëse vendosni të sillni një Bricjap në darkë, ose gatuani për të, e dini se pjatat duhet të jenë të shijshme dhe të gatuara me art të madh. Verërat, në veçanti, duhet të jenë më të mirat. Bricjapi duhet, pra, të përmirësojë mënyrën e vet të ushqyerit, duke e bërë më të rregullt. Ai duhet të heqë dorë nga disa cilësi që pretendon, në favor të një sasie më të rregullt.

Ujori

Egoizmi i shenjës së Ujorit është krejtësisht i qartë edhe në marrëdhëniet e tij me ushqimin. Njerëzit e Ujorit duan të eksperimentojnë në kuzhinë, natyrisht nëse gjenden aty. Receta të pazakonta ose edhe të shpikura prej tyre, janë më së paku që mund të priten, nëse kjo shenjë na fton për darkë në shtëpi. Në fakt, Ujori nuk e përbuz gatim, thjesht sepse është një nga mënyrat për të vënë origjinalitetin e tij në këtë fushë në dukje. Ashtu si me natyrën e Ujorit, momenti i ushqimit është edhe ai kur dikush mund të flasë, të shkëmbejë mendime, debate. Është e vështirë që, si shenjat e tjera të ajrit, të hani vetëm një vakt. Ajo preferon më shumë të përdorë drekat dhe darkat si mundësi për biseda, që jeta moderne tenton t’i zvogëlojë.

Peshqit

Ndikimi i Jupiterit u jep përfaqësuesve të Peshqve, një marrëdhënie shumë të këndshme me ushqimin. Për ta, ushqimi është shpesh rruga për tu pajtuar me një botë që i gjykon si të dyshimtë, të zhytur shumë në mendime dhe të pavendosur. Ata i duan gatimet që përmirësojnë disponimin, duke shkaktuar serotoninë, të tilla si ato që përmbajnë karbohidrate (pra, bukë dhe makarona në sasi), si dhe ëmbëlsirat. Nëse doni të bëni një peshk të lumtur, ftojeni për drekë ose darkë paraqisni një meny në të cilën ëmbëlsira është fituese mbi të kripurën. Predispozita natyrale e Peshqve për sheqerna, mund t'u japë atyre probleme në peshë. Kjo është arsyeja, pse duhet të alternojnë dashurinë e tyre për ëmbëlsirën me vendosjen e më shumë proteinave, siç janë bishtajoret dhe vezët, si dhe vitaminat: natyrisht, frutat dhe perimet, ndoshta të papërpunuara.

*Përkthyer nga www.repubblica.it

 

Shpërndajeni me miqtë tuaj: